有人提起所以就去下，最早的一個session 是正午12點，在富德樓出入的都是大好文青，但應該不會這麼早，所以很適合我這類型的人，但居然有比我更尷的人。看起來是退了休的夫婦，女方應該是很喜歡西西，男方應該就是陪伴的搭單狀態，所以看起來就跟場境比我更不合。進到展館女方負責登記之類，男方自行四處逛，保持一種沒有投入的狀態，連導賞耳機也不要。
說回展覧，一半是他原本房間的家具擺設，一半是他的玩偶製作。導賞語音主要是講熊和猿和非洲人偶的製作，熊的部份個人無甚有感，也是第一次聽。但提到猿的部份，說起藉製作猿玩偶來讓人認識猿，再讓真正的猿𤠣可以自由在野外生活的想法，聽起來是種超好的願景。虛構本來就是為了保護真實的美好而存在呢。
作家個室保留這點，在很多不同國家都有發生，這次移室保留的狀況還是有些微妙。因為空間配置有點微妙，產生了一個由窗望進去的偷窺視覺。雖然是想展示玻璃貼和窗簾，但作為還原不是在地下的房間，這種窗外視覺的存在蠻出戲。
1. 叫人提早10分鐘到，但11：50無開門，要人襟鐘，明顯未ready好，咁可以考慮返係咪真係叫人早10分鐘到。
2. 網上預約比個qr code但現場職員不是嘟code是手抄code嘅no
3. 賣書只收轉數快/payme，現金話驚無散紙找...
4. 入口作品展啲書嘅放法，攞起之後放返落去有機會整到骨牌效應掃低晒...而且有書但無位比人睇，唔好話坐，連企都無，有啲可惜。
5. 果段西西導賞土瓜灣片同問題，放咗係廳個電視應該預人會睇下，但係要睇就阻住睇個廳嘅嘢，同埋個音量基本上係同導賞耳機有啲啲衝突。
6. 導賞其實唔係展嘅導賞，果啲段落同行個展嘅動線完全唔夾。段導賞好聽但適合聽完晒先行，咁就不如比字我睇啦。
7. 走果陣職員叫我填回應表時r水吹，但都叫咗我填，就唔好要我講嘢得唔得？
8. 個回應google form真係多part得嚟唔覺得佢問緊啲咩，有啲好似係想知各部份做得點，但啲選項又唔係真係好全面。最莫名其妙係叫人填職業，學生/教育工作者/文藝創作者/專業人士（醫生律師etc)/其他：要填。
打完以上嘅吐嘈，發現啲點其實都好富德樓（藝術ngo project搞出嚟的奇怪友善但又不友善的行政）。
請先 登入 以發表留言。